LAGU PENTAKOSTA BAHASA BATAK 3 (Lengkap PDF)

1.     Puji-Pujian Lehononta di Tuhanta

Ala asi ni rohanai namanatap hitaon
Ai diseahon do diriNa lao manghop-hop
Saluhut hita pardosai nadiatas tanoon

Ingot hinadenggan nibasaNa
Auhon panghop-hopNa tu rohamu
Asa dapotan dohot dihangoluan
Natongtong pinaradenai dinatinobusnai

2.     Hupuji ho ale Tuhan
Ala ni denggan ni basam
Sanga do hami marpungu
Mangido asi ni roham

      Ipe sai lehon pasupasumu
Tu hami sude napungu on
Asa martua jala tung sonang
Di surgoi di nasonang

Ipe sai banua ginjang
Situjuon ni rohangku
Paima maradian ahu
Sian arsak sasude

Ai ndang adong hasonangan

Saleleng diportibion

Holan dibanua ginjang

Do hasonagan na tontong

Ai pordagangan do tanoon

Arsak nang susa tongong dison

Ai holan Jesus do pasonanghon

Pingkiran dohot rohangkon

3.     Arta naummuli nunga dapot ahu
Soadaong arta na asing nasongon tudos ni
Tusan tuson hulului natau pasonang rohangki
Tung soadong songon i

Ima Jesusku sipalua ahu

Jesus do artangku saleleng nai

Saonari ahu mardalan tu hasonangan i
Dung rap ahu dohot Jesus nunga martua ahu
Roma hamu ale dongan boan hamu ma dosamu
Tu silang di Golgata

Ima Jesusku…

Saonari ahu marende mamuji Debata

Artangku Tuhan Jesus saleleng-lelengna

Portibi nalao salpudo dohot hinaulina da

Martua ma anggo ahu

Ima Jesusku…

4.     Hutundalhon ma ho tano on
Ai Najonok Na Ma Ho Tu Uhum I
Holan Nasusa Do Ahu Di Tanoon
Tahi Ni Jolma Sai Rodo Tu Ahu

O Jerusalem Na Uli i
Ai Ho Do Huta Sihirimonki
Ai Ho Huplit Baen Ingananki
Hupuji Ho Jesus Nang Dabata

      Balga Ni Holongmi O Tuhan
Di Bani Angka Naung Ti Nobusmon
Ai Naung Rade Bintang Tumpal Di Ahu
Dihasonangan Sisalelengnai

5.     Songon sunge na mabaor
Songon udan mansai por
songon ido diusehon sian ginjang huaso i
ganup jolma boi manjalo, asal ma olo porsea
ganup hita boi manjalo jalo di ho

Hujalo ma di ahu jalo di ho….3x

Songon ursa namauas, songon tano na hasang
songon i do ahu masihol, manjalo tondina i
ganup jolma boi manjalo, asal ma olo porsea
ganup hita do boi manjalo jalo di ho

hujalo ma di ahu jalo di ho….3x

Sai patibu ma manjalo, unang sai tarlalap ho
binsan tingki parasian, dilehon tuhanta i
ganup jolma boi manjalo, asalma olo porsea
ganup hita do boi manjalo jalo di ho

Hujalo ma di ahu jalo di ho….3x

6.     Jesus Do Na Pasabam Rohangki
Jesus Tuhanku
Ditogu diurupi ngolungki
Jesus Tuhanku

Molo tung ro pangunjunan i

Nang gogo nang parungkilan i

Laos disi do ro Tuhanki

Jesus Tuhanku

Jesus do namanatap ngolungki
Molo sai marsak ahu
Sai disarihon unang susa ahu
Unang mandele ahu

Molo….

Molo huingot Jesus Tuhanki
Dang be mabiar ahu
Nang pe godang manosak ngolungki
Sabam do rohangku

Molo  ….

Antong hamuna angka donganki
Jesus ma baen donganmu
Angka nahansir nadirohami
Malum do bahenon na

Molo tung sai marsak rohami

Jala susa dohor ngolumi

Sonang do muse bahenonni

Jesus Tuhanku

Tung munsat pe nang angka dolok i
Sai tong holong rohana
Humuntal pe angka robean i
Sai tong holong rohana

Jesus I do dongan na tutu
Holan ido na sai tong burju
Tung burju burju tu sasude
Jesus Tuhanku

7.     Namarbaju Ni Sion Angka Na Badia I
Oroan ni Tuhan Jesus ima huriana i

Angka namanjalo tanda tondi parbadia i
Marolop-olop sogot diadopannai

Namarbaju ni sion sai marsinondang ho,
Bege soara ni Tuhan namanjou ho
Jaga ma pamola molo songon na burju tu ho,

Nang hatana pe begeon sai songop na tabo::

Namarbaju ni sion sai tomu raja i
Raja siboan dame ima Tuhan Jesus i
Mamboan sanggul sere tu oroanna i
Nahinaholonganna ima huriana i.

8.     Malungun do rohangkon,

naeng lao tu na sonang, lao mandapothon Jesus Tuhanki
Alani sitaonon na sa tongtong manosak
Na lao mangambat au tu surgo i

Molo punjung sasada au, tumatangis do au

Holan ilu marabur sian au

Molo punjung sasada au, marende-ende ma au

Tuhani ma donganku mangkatai

Antong ale Tuhanku tu ho ma au padomu
Asa boi au mangolu sai tongtong
Sai ho pos ni rohangku nang dinaloja au
Datung pasombuanmu au gale

Molo punjung…

9.     Tung torop do sogot I angka na tarhirimi
Namandok Jesus Tuhanna
Dang sude nabongot I namandok sisongoni
Tung torop do tulakhononna

Holan naumbege namangulahon i

Holan ido nasahat tu surgo i

Angka naso mangulahon hatana i

Tulakhononna dang jangkononna

      Tung torop nasalai mangantusi hata i
Ai di uji do mangulahon
Alai dang tarula I anggo daging dopei
Ninna Jesus do patorangkon

Ingkon tubu dope sahali nari
Ima sian aek dohot tondi i
Tung tutu situtu ninna Tuhanta i
Antong tangihon ia ulahon

      Tung torop natubui paduahalion i
Songon bintang do mardekdehan
Ai dirimpu saemai nangso marparbue i
Holan hata do namar Tuhan

Ingkon marparbue parbue ni tondi i

Margite gok tondi dohot tangiang i

Molo sosongon I ingkin tabaon i

Antong tangihon ima ulahon

10.  Sai ingot Jesus sai ingot Jesus, siparholong roha i
Sai ingot Jesus sai ingot Jesus, unang lupa ho disi

Ndang  adong dongan nasongon Jesus…3x

Ndang adong tung so adong..2x

Gantung Tuhanta di hau parsilang,

Lao Mamorsan dosanta.

Tarpajal patna durus mudarna, unang lupa jo disi

Ndang adong….

11.  Tuhan panompa na gok huaso
Namangalehon sudena isina
Dilehon las ni roha, Ditingki au susa
O tuhan panompa di ahu

Sipata susa pe au disunggulu do au
Dungi hehema au ajala monang ma au
Gabe marsurak marsurak surak
Pinuji goarMU Tuhan

Dilehon do natapangido
Ai diparbaga do I di hatana
Dipapos do rohanta
Nang pe so taida alani tondi parbadia

Sipata susa….

12.  Ingkon Jesus do donganku, sahalangku lilu do.
Raphon Jesus boi au monang , talu musu I na ro.

Ndang mabiar au disi, Tuhan Jesus donganki,
Sai ihothononku Jesus, oloanku nama i.

Ingkon Jesus do donganku, molo marsitaonon au.
Tu Ibana hutinggangkon, nasa na pasorat au.

Ndang mabiar…

Ingkon Jesus do donganku, molo na tarunjun au.
Tuhan Jesus do parmonang, dipamonang dohot au.

Ndang mabiar…

Ingkon Jesus do donganku, molo ingkon mate au.
Holan mudar ni Tuhanku golomonku di na lao.

Ndang mabiar…

13.  Las roham nuaeng oh pentakosta dibahen debata

Ai dohot ho ditodo pararat hatana
najolo ho tarpodom ala so marbinoto
nueng maho tarsunggul, tong tong maho dungo

Godangdo namangambat mulanai
songonido nang nuaeng angka parjahat i
mandok tu pentakosta dang tau ho
mangihuthon tuhan jesus ninna sibolis i

Dang na marpansohotan tahini sibolis
nanaeng manegai ulaon i
mandok tu pentakosta dang tau ho
mangihuthon tuhan jesus ninna sibolis i

Halateon, najahat sude, pinatupani sibolis tahe
alai na holong natigordo tuhanta
dipatimbul huriana sai tongtong

Hehe maho bangsokku tinggalhonma losokmi
porsan ma silang nai unang ho ganggu
ise pe mangambatho jolma sibolis pero
ingot ai jesus diho ima donganmu

14.  Pentakosta Huriakki

Pentakosta di ho mangolungki

Pentakosta, sijalo tondi porbadia

Pentakosta, gok las ni roha i

Mangula marparbue, gok holong jala partamue

Patuduhon parangeni pentakosta i

Marende martangiang

Gok tondi jala gok lasni roha

Ido arta na ummarga di pentakostai

Mian dope i diho, mangula dopei di ho

Unang holan goar ho di pentakosta

Asa naeng gabe sira, asa naeng gabe panondang

Pentakosta huriakki

15.  Dung Sonang Rohangku dibahen Jesus i

Porsuk pe hutaon di son

Na pos do rohangku di Tuhan ta i

Dipasonang tontong rohangkon

   

Sonangdo.., sonangdo..

              Dipasonang tontong rohangkon..

Nang dihaliangi sibolis pe au

Naeng agohononna muse

Naung mate Tuhanku mangolu ma au

Utangki nungga sae sasude

              Sonangdo…

Diporsan Tuhanku sandok dosangki

Bolong tu nadao do dibaen

Nang sada naso jujuronna be i

Na martua tondingku nueang

              Sonangdo……

16.  Na mulak jesus I, dihasangapon i

Mangalap nabadia I, tu hasonangan i

              Hutundalhonma nadipudingki

Jesus ma haposanki, diharoronai

Sotung na tading au, diharoro Na i

Sotung ditiop rohangkon, na olo sega i

              Hutundalhonma….

Nang arta sangap I, tu aha ringkot i

Na tinggal do sudena I, dihamagoan i

              Hutundalhonma….

17.  Huboan ma diringku, Tuhan hibul tu Ho

Ai au do tinobusMu umbaen tarbaen au ro

              Pagalak ma rohngku, dison managam au

              TondiMi ma suru, naboi manggonggom au

Ho sipalua au, sun hinagogo Mi

Hatam do huhaposi, na so boi mubai

              Pagalak….

Ias do au diburi, Ho ale Tuhanki

Naeng dohot parulanku, hombar tu hataMi

              Pagalak….

18.  Tung torop do sogot I angka natarhirimi

Namandok Jesus Tuhanna
Dang sude nabongot I namandok sisongoni
Tung torop do tulakhononna

Holan naumbege namangulahon i

Holan ido nasahat tu surgo i

Angka naso mangulahon hatana i

Tulakhononna dang jangkononna

Tung torop nasalai mangantusi hata i

Ai di uji do mangulahon

Alai dang tarula I anggo daging dopei
Ninna Jesus do patorangkon

Ingkon tubu dope sahali nari

Ima sian aek dohot tondi i

Tung tutu situtu ninna Tuhanta i

Antong tangihon ia ulahon

Tung torop natubui paduahalion i
Songon bintang do mardekdehan
Ai dirimpu saemai nangso marparbue i
Holan hata do namar Tuhan

Ingkon marparbue parbue ni tondi i

Marhite gok tondi dohot tangiang i

Molo so songon I ingkon tabaon i

Antong tangihon ima ulahon

19.  Unang be bolongkon tingkimi

Tung so mulak be naung salpu i.

Tuhan do na sai manjouhon i.

Tingkion pauba rohami

Atik sosanga be nang langkami

molo so mubabe nang rohami,

Hosami dang tartontuhon i

Tingkion pauba rohami.

20.  Husomba Ho Tuhan, tangihon au

      SangkapMu ma tongtong, pasaut tu au

Lam ganda baenonMi, holong ni rohangki

Sai lam gandai, holong tu Ho

     Uju na lilu au, dao sian Ho

     Sai dilului Ho au, laos jumpang do

Ala ni holong do, rohangkinon di Ho

Sai lam gandai, holong tu Ho

     Di na targogot au, hansit huae

     Ho na mangapul au, tu Ho au lao

Haposanhi do Ho, Ho Sipangolu do

Sai lam gandai, holong tu Ho

     Ia tung jumpang ma, ro ajalhi

     Asi rohaM nama, di tondingki

Na las do rohangki, marnida bohiMi

Di lambungMi, di surgo i.

21.  O Jesus hupasahat sude na ngolungkon
Ho do huhaholongi, parmahan tondingkon
Unang pasombu au, punjung di dalan on
Unang mabiar au, mangulahon lomom

Husippon ma o Tuhan, bagas tu rohangkon
Urupi au o Tuhan, dipordalanan on
Tumangihon hata Mu, sungguli rohangkon
Songon batu ujian, hatani Tuhan i

Lulu-lulu rohangku, di hasonangani
Hape so adong dapot, di hasiangan on
Humusor ma rohangku, marningot Tuhan hi
Tarsunggul ma tondikku, baga-baga Na i

Husippon ma.......

Ngalian au o Tuhan, di hasiangan on
Ala so adong ulos, ulos ni tondingkon
Hupeakkon diringku, tu toru ni pat Mi
Asi roham o Tuhan, ulosi tondikki

Husippon ma.......

22.  Ho sipangolu au, sai topot ma au on.

Sai unang mandaodao. Ho sian rohangkon.

Ro Sipangolu ro tibu. Baen ma au anakMu tutu.

Dohot mudarMi buri au ias songon hapas ma au.

Ias tutu, ias tutu, dohot mudarMi buri au.

Ias songon hapas ma au

Gogo ni mudarMi Papatar ma di au

Tondi Parngolu i Tongtong manogu au

Ro Sipangolu ro tibu…

Togu ma rohangkon Sai taiti au tu Ho

Ai langkaMi tongtong Naeng tiruonku do

        Ro Sipangolu ro tibu…

23. TUHAN HO IHUTHONONKU
Tuhan ho ihuthononku ho paradiananku
Dang adong haluaonku ia so holan mudar mi

Ho tongtong ihuthononku
Ai di ho dapot ahu sonang
Tanoon dang tau artangku
Holan Tuhan mambahen ahu sonang

Ho tongtong ihuthononku nangpe marsitaonon ahu
Ai huboto lehonon mu upa sogot na gok di ahu

Ho tongtong …..

Ho tongtong ihuthononku mansoadahon hisaphi
Tongtong umbege hatamu mangihuthon tonami

Ho tongtong……
Dohot dihabadiaon didagingku tondi pe
Nang di hata nang parula, sai ihuthononku ho

Ho tongtong……

UNTUK VERFI PDF, silahkan KLIK DISINI

Demikian saya bagikan, semoga bermafaat.

DAPATKAN JUGA:

LAGU PENTAKOSTA BAHASA BATAK 1

LAGU PENTAKOSTA BAHASA BATAK 2

LAGU PENTAKOSTA BAHASA BATAK 4

Salam

#AG

Baca Juga